Subling nag-awhag ang International Criminal Court (ICC) sa mga posibleng testigo o bisan kinsa nga adunay impormasyon bahin sa war on drugs ni kanhi Presidente Rodrigo Duterte.
Mahimo nga direktang moadto sa opisina sa ICC ang mga testigo o makig-lambigit sa mga ICC officers pinaagi sa microsite.
Lakip sa gidasig sa ICC nga motestigo mao ang mga pulis ug uban pang myembro sa law enforcement agencies.
Sumala sa opisyal nga pahayag nga ang Office of the Prosecutor sa International Criminal Court (ICC) nag-imbestiga sa mga alegasyon sa krimen batok sa katawhan nga nahitabo sa Pilipinas, lakip na ang pagpamatay, torture, ug sexual nga kapintasan, isip kabahin sa gitawag nga War on Drugs nga gisugdan gikan Nobyembre 2011 hangtod Marso 2019.
Sa karon ang ICC nagpadayon sa imbestigasyon sa mga alegasyon sa krimen batok sa katawhan, nga nahitabo sulod sa nasangpit nga panahon.
