Gimanduan sa International Criminal Court (ICC) Appeals Chamber ang kampo ni kanhi Presidente Rodrigo Duterte nga magpasa ug public o redacted version sa iyahang Appeal Brief on Interim Release sa Oktubre 29, 2025.
Base sa mando nga gipagawas niadtong Oktubre 27, gimanduan usab sa mga huwes sa Appeals Chamber ang Prosecutor ug ang Office of Public Counsel for Victims (OPCV) nga magpasa sa ilahang tagsa-tagsa nga bersyon sa Oktubre 31.
Ang maong kamanduan ang nahisubay sa Regulation 23 sa ICC, nga naglatid sa transparency ug husto nga pagdumala sa mga dokumentong adunay sensitibong sulod.
Kahinumduman nga gibalibaran sa ICC Pre-Trial Chamber I ang hangyo ni Duterte alang sa temporaryong kagawasan niini niadtong Septyembre 26.
Gipaapela usab kini sa iyahang kampo niadtong Oktubre 14, ug mitubag ang prosekusyon ug mga biktima niadtong Oktubre 21.
