Gipalig-on sa mga huwes sa International Criminal Court (ICC) Appeals Chamber ang desisyon sa Pre-Trial Chamber nga magpabilin sa bilangguan si kanhing Pangulong Rodrigo Duterte.
Sumala sa ICC, gibasura sa Appeals Chamber ang tanan nga argumento ug ground of appeals sa mga abogado ni Duterte.
Ang five-person Appeals Chamber nakakuha og unanimous voting aron hingpit nga ibasura ang hangyo sa depensa sa Pre-Trial Chamber.
Sa pahayag nga gi-release, napakyas ang depensa nga tukion ang mga posibleng sayop sa Pre-Trial Chamber diin gibase ang Panel of Experts alang sa labing bag-ong update sa kahimtang sa panglawas sa kanhing pangulo.
Gikonsidera usab sa Panel of Experts ang duha ka reports kabahin sa kondisyon sa panglawas sa kanhing presidente nga gihimo sa mga medical practitioners ug gipili sa defense team.
Kahinumduman nga gidakop si kanhing Pang.Duterte sa ICC sa The Hague niadtong Marso 1, 2025, tungod sa kaso nga crime against humanity sa iyahang kampanya batok sa iligal nga droga, diin nasugod pa kini sa iyahang pagka-mayor sa Davao City hangtod na sa pagka-Pangulo sa Pilipinas.
