DAVAO CITY – Nagmalampuson ang nahitabong Integrated Bar of the Philippines’ National Convention nga gipahigayon sa Davao City.
Kapin tres mil ka mga IBP members gikan sa ubang parte sa nasud ang nagtapok-tapok atol sa usa ka simanang conference agig pagsaulog sa ika-50 ka tuig sa IBP.
Gikanayon ni Davao City Tourism Office chief Jennie Romero, ang kalampusan sa maong programa ang nagpamatuod nga andam ang Davao City sa paglusad og mas dagko pang katikaran.
Dugang pa ni Romero, sinugdanan pa lamang kana sa pagpromotar sa turismo sa Davao City ug Davao Region human sa pandemya.
Mahimayaon sab kini nga higayon tungod paniguradong mapaambit sab sa mga abugado nga anaa sa event ngadto sa iyang mga kaubanan ug kaila ang mga maayong butang ug kasinatian mahitungod sa dakbayan.
Nahitabo ang IBP National Conference kaniadtong Pebrero 16 hangtod 18, ning tuiga.
Sunod nga gipangadaman karon sa tourism sector sa Davao City ang pagdagsang sa mga delegado alang sa umaabot nga MICECON 2023 nga magsugod duha ka adlaw gikan karong adlawa.
via || Bombo LJF
