DAVAO CITY- Nagpadayag sa ilang pagkondena ang Intergrated Bar of the Philppines (IBP) Davao chapter kalabot sa pagpatay kang Atty. Connie Villamor niining milabay nga adlaw.
Matud pa sa IBP, ang gihimong krimen batok sa mga abogado usa sumala pa nga pagpangatake batok sa legal profession ug makapaluya sa kagawasan sa mga abogado.
Makapaguba sab sumala pa kini sa ilang adbokasiya o makompromiso ang kalidad sa ilang legal nga pagpanerbisyo.
Nakighiusa sumala pa ang IBP-Davao del Norte/ COMVAL Chapter diin miyembro ang namatay nga si Atty. Villamor sa panawagan ug hinanali nga imbestigasyon alang sa hinanali nga pag-ila ug pagkasikop sa mipaluyo sa krimen.
Nanawagan sab kini sa tanan nga abogado nga pabilin nga magkahiusa sa paghatag ug hustisya ingon man pagpatuman sa balaud.
