DAVAO CITY – Plano karon sa lokal nga kagamhanan partikular sa buhatan sa City Tourism Operations Office (CTOO) nga magpahigayon ug “Pasko Fiesta.” sulod karon tuiga apan himuon kini ngaa “hybrid”.
Sumala pa kang CTOO Head Generose Tecson, nagpasabot kini mix sa live ug online activities ang himuon nga pasko fiesta karon tuiga.
Kahinumduman nga sukad nga nagsugod ang pandemiya sa milabay nga tuig, daghanang mga dagkong aktibidad sa siyudad ang nakansela. Daku ang pagtoo sa opisyal nga mamahimo kining ipahigayon pagsulod sa bulan sa Disyembre gumikan kay ubay-ubay na nga mga Dabawenyos ang fully vaccinated sa nahisgutan nga panahon.
Gi-awhag sab sa opisyal ang publiko nga pahimuslan na ang kahigayonan nga magpabakuna aron nga daling mobalik sa normal ang sitwasyon.
Kahinumduman nga gipahigayon karon sa siyudad ang 36th Kadayawan sa Davao kini pinaagi sa virtual celebration nga nagsugod kaniadtong Agosto 20 hangtud 22, 2021.
Plano unta nga himuon sab nga hybrid ang Kadayawan apan wala kini gipadayon tungod na sab bahad sa delta variant nga natala sa dakbayan.
