Tingkagol sa selda sa Toril Police Station ang giila nga usa ka High Value Individual ug ikaduha sa listahan sa syudad nga nagapayuhot sumala pa og iligal nga droga.
Subay sa report gikan sa mga kapulisan, giila ang dinakpan nga si alyas Buddy, 31-anyos nga residente sa Brgy. Daliao Toril ning dakbayan sa Davao.
Samtang nadakan usab ang kauban niini nga si alyas James, 38-anyos nga residente sa Brgy. Central Mati City, Davao Oriental. Nakumpiska sa mga dinakpan ang mga nagkadaiyang pakete sa iligal nga droga kon shabu nga adunay gibana-banaan nga kantidad nga P161,024.
Samtang nakumpiska usab ang mga pinauga nga dahon sa Marijuana nga nibalor og kapin P1,600. Narekober usab sa mga otoridad ang buybust money nga gigamit sa transaksyon. Sa pagkakaron ang dinakpan ang gipasakahan na sa piskalya og kasong pagsupak sa RA 9165.
