DAVAO CITY – Mibati karon ug kahadlok ang mga Human rights activists sa ilang kaluwasan human nga ang pagdeklara sa gobyerno ug “all out war” batok sa rebeldeng New People’s Army.
Matud pa kang Jay Apiag, tigpamaba sa human rights group nga Karapatan Southern Mindanao nga mibati sila ug kabalaka human nga giila sila sa mga sakop sa Philippine National Police nga “Communist propaganda organizations”.
Tungod niini, gikanayon ni Sheena Duazo, tigpamaba sa Bagong Alyansang Makabayan Southern Mindanao region nga gi-andam na nila ang affidavits ug mikonsulta na sila sa ilang mga abogado kalabot sa maong insidente nga usa sumala pa ka klase sa pagpangharass ug intimidation against activists.
Gikanayon sa milabay nga mga semana, aduna sumala pay katahapan nga mga sakyanan nga naniid sa buhatan sa Kalipunan ng Damayang Mahihirap usa ka urban poor organization ug miyembro sa Bayan.
Gitataw sab ni Duazo nga aduna sab sumala pay naniid kaniya ilabi na kung mahuman na ang mga lihok protesta.
Samtang gikanayon sab ni Apiag nga luyo sa gideklarang all-out war, padayon sumala pa nila nga himuon ang ilang trabaho ug mandato isip mga “human rights defenders.”
