Hugpong wala pay napiling ihulip sa gibiyaang pwesto ni Al-ag

DAVAO CITY – Wala pa maka-desisyon ang Hugpong sa Tawong Lungsod kung si kinsa ang ihulip sa nabakanting posisyon sa pagka-konsehal.

Sumala kang vice mayor Bernard Al-ag, gikatakda pang mopahigayon ug panagtagbo ang lokal nga partido aron hisgutan ang maong issue.

Kahinumduman nga nabakante ang maong posisyon human mi-resign si kanhi Vice Mayor Paolo Duterte.

Isubmiter pa usab sumala pa sa local party ang napili niining pangalan ngadto kang president Rodrigo Duterte nga maoy mo-apruba sa rekomendasyon.

Dugang pa ni Al-ag nga dili kini ang pinaka-unang higayon nga nahitabo sa syudad, sanglit natigayon na usab kini dihang namatay si councilor Leonardo Avila III kinsa gihulipan sa iyang asawa nga si Lori Avila.