DAVAO CITY – Naglaraw karon ang Hugpong ng Pagbabago (HNP) kung paunsa nila mahatagan ug kusog nga suporta ang kagamhanang Duterte human nga daghanan nga mga kandidato ubos sa HNP ang wala gi-swerte atol sa bag-ohay pa lamang natapus nga Mayo 13 nga Mid-Term Elections.
Sumala sa Chairperson sa kahugpungan Mayor Inday Sara Duterte-Carpio tulo lamang sa mga lalawigan sa Davao Region ang nadaugan sa HNP, samtang lain pang unom ka mga lalawigan ang gilampurnas sa ilang mga kandidato.
Subling gipasabot sa mayor ngadto sa publiko nga ang HNP gi-umol aron nga palig-onon ang tibuok rehiyon sa nasod ug dali na lamang niini ang pagduso sa mga panginahanglanon niini sa matag rehiyon.
Sa milabay nga eleksyon migula nga nadomina sa HNP ang Davao Occidental, apan napilde sa Davao del Norte, diin gilampurnas sa PDPLaban ang mga Del Rosario ug Floirendo.
