DAVAO CITY – Gipasalig ni Police Senior Supt. Alexander Tagum ang director sa Davao City Police Office (DCPO) nga walay angayan nga kabalak-an ang mga dabawenyo karung nagsingabot nga kasaulogan sa 81st Araw ng Dabaw.
Matud pa sa opisyal nga nagpadayon karon ang ilang hugtanong nga koordinasyon sa Task Force Davao (TFD) nga maoy nagapatuman sa checkpoint sa mga entrada ug paggawas nga bahin sa dakbayan.
Gani gikanayon sab sa opisyal nga kaniadtong milabay pa nga semana nagpahigayon ug clearing ang kapulisan.
Gibutyag sab ni Tagum nga igo sumala pa ang ihap sa ilang mga personahe nga ipakatag sa dakbayan atol mismo sa kasaulogan hinungdan nga wala sumala pay angayan nga kabalak-an ang publiko.
Nagpadayon usab sumala pa ang 24/7 mobile checkpoint nga ginapahigayon sa mga kapulisan.
