DAVAO CITY – Anaa na karon sa kustodiya sa National Bureau of Investigation (NBI) 11 ang gikanayong miyembro sa teroristang ISIS nga una ng nasikop sa Isulan Sultan Kudarat bag-ohay lamang.
Una ng naila ang Indonesian National nga si Moshalah Romina Rasim alyas Abu Omar. Una ng gibutyag ni Mario Tonelete, regional director sa NBI-11, nga ilado sumala pa ang nahisgutan nga miyembro sa terorista ug gani nalambigit sumala pa kini sa mga pagpamomba sa Indonesia.
Nasayran sab sa opisyal nga nakulong na sab kaniadtong tuig 2011 si Rasim human nga nalambigit sa mga pagpamomba sa nahisgutan nga nasud.
Miabot sumala pa sa nasud si Abu Omar aron nga adtuon ang laing terorista nga dugay ng napatay sa otoridad. Una na sab nga gipanghimakak sa dinakpan ang mga pasangil batok kaniya.
Gipalawman pa karon sa otoridad ang ilang imbestigasyon aron nga makahipus sila ug dugang nga ebidensiya batok sa nahisgutang terorista
