Hugot nga police visibilty hinungdan sa pag-ubos sa Crime Rate sa Davao
Mi-ubos ang crime rate sa dakbayan sa dabaw ug 26.22% gikan enero hangtud desyembre 2017 o 7,576 sa 2017 gikan sa 10,269 niadtong 2016.
Gikanayon ni DCPO director Police Sr Supt. Alexander tagum nga kini ang resulta sa mas gipahugtang security measures ug police visibility.
Kahinumduman nga na-una nang gipanganti ni Tagum nga andam siyang magpa-puli sa pwesto kung dili mokanaug ang krimen sa syudad atol sa iyang pagpangatungdanan.
Subay sa record nakahimo sa pagrecord ang DCPO ug 2,617 nga index crime ug 7,652 nga non index crime niadtong 2016.
Ang susamang mga kaso ang mikanaug ngadto sa 1,588 gikan 5,988 sa tuig 2017.
Nag-una sa listahan ang San Pedro Police station sanglit naa kini nahimutang sa downtown area sa syudad, gisundan sa Toril, Talomo, Sta Ana, Calinan, Tugbok, Buhangin, ug Paquibato Police stations.
Samtang, misaka usab ang crime solution effeciency sa 2017 ngadto sa 87.54% kung itandi sa 82.56% lamang sa 2016.
Duang pa ni Tagum nga nakatampo ug dako sa pag-ubos sa krimen sa syudad ang kamugnaan sa Oplan Integrated Revitalized Operation of Neighborhood – watch of mega City (Iron City) diin gipakatag ang 910 ka mga volunteer police auxiliaries.
Kini ang gawas pa sa ilang regular nga pagpahigayon ug Anti-criminality and terrorism oplan: bulabog operations nga nagpunterya sa mga wanted persons ug mga adunay standing warrant of arrests nga mga indibiduwal.
