DAVAO CITY – Gitahasan ni Davao City Mayor Inday Sara Duterte-Carpio ang Davao City Police Office (DCPO) nga mas pahugtan ang pagpatuman sa election gun ban alang sa Barangay ug Sangguniang Kabataan (SK) Election.
Sumala pa kang Mayor Duterte-Carpio nga kinahanglan nga bantayan sa kapulisan ang seguridad sa mga botante, kandidato ug mga magtutudlo panahon sa kampanya ug sa adlaw mismo sa piliay, ug sa mismong pag-ihap sa mga balota.
Gimando-an sab ni Inday Sara ang mga kandidato nga likayan ang pagpanikas gumikan kay wala kini’y mahatag nga kadungganan sa huptan nga posisyon.
Subay sa guidelines sa Commission On Elections (COMELEC) ang kampanya kutob lamang sa Mayo 12 ug gi-dili na ang pagpangampanya sa Mayo 13, hangtud na sa piliay sa Mayo 14.
