Tingkagol sa bilanggoan ang usa ka care-taker sa Brgy. Dacudao, Calinan District, ning dakbayan sa Davao, human sumala pa nga nanghulga pinaagi sa pagpabuto og armas pasado alas 2:00 sa kabuntagon, kagahapon, Enero 27, 2025.
Sumala pa sa inisyal nga imbestigasyon sa kapolisan, nga lango sa ilimnong makahubog ang suspetsado sa dihang nahitabo ang pagpanghulga ug nanutok sumala pa kini og armas ngadto sa usa ka biktima.
Giila ang suspetado nga si alyas “Mark”, 33-anyos, ulitawo ug residente sa naasoy nga lugar, samtang ang biktima giila usab nga si alyas “James”, 23-anyos ug residente sa Riverside Calinan ning dakbayam.
Nakuha gikan sa dinakpan ang gigamit niini sa pagpanghulga nga usa ka .22 black widow handgun ug gumikan sa maong panghitabo mag-atubang og patong-patong nga kaso ang suspetsado susama sa Grave Threat, Alarm and scandal, paglapas sa RA 10591 for illegal possession of firearm ug paglapas usab sa Sec. 32 of RA 7166 kon violation sa Comelec Gun Ban.
