-- ADVERTISEMENT --
DAVAO CITY – Hingpit na nga gipasakahan ug kaso sa City Prosecutor’s Office (CPO) ang usa ka lalaki kinsa hubog ug gi-atake ang usa ka residente sa Purok 21, Salam village, Barangay Sto. Niño Tugbok District.
Girekomeda ni Prosecutor Maria Cynthia Prat ang filing sa information batok kang Romero B. Pagara nga tin-aw nga nakalapas ug sa balaud subay sa reklamo nga giduso ni John Carlo Agdon.
Pinasikad sa police report, hubog si Pagara dihang gidunggab niini si Agdon sulod sa pipila ka higayon sa wala nga bahin sa tiyan, bukton, kamut ug aping.
Nadala pa ang biktima Southern Philippines Medical Center samtang nasikop gilayon si Pagara sa gipahigayon nga follow-up operation.
