Patay ng nakaplagan ang usa ka lalaki ilawum sa tulay sa sapa sa Purok 7 Kalye Apeke, Brgy Calinan pasado alas otso ning dakbayan sa Davao.
Subay sa report sa kapulisan giila ang biktima nga si Marvin Villegas, 43 anyos, laborer, residente sa Manila nga kasamtamgang nagpuyo sa ilawum sa tulay sa nasampit nga lugar.
Sa gihimong imbistigasyon sa kapulisan, gisaysay sa kauban niini nga nakauban pa ang biktima nga nag-inom pasado alas 4:00 kagahapon sa hapon sa usa ka panimalay.
Nibiya sumala pa ang nahisgutang biktima sa iyahang giinuman pasado alas singko sa hapon padulong sa iyahang gipuy-an ilawom sa tulay.
Gituohan sa mga otoridad nga nahulog ang biktima ug nalumos sanglit nakainom kini.
Nakaplgan na lamang kini sa iyahang mga kauban nga naunlod na ang patay nga lawas sa biktima.
Hinuon, sa pagsuta sa mga otoridad walay anakita nga foul play sa maong panghitabo.
