DAVAO CITY – Gikanayon sa usa ka ospiyal sa Davao City Human Resource and Management Officer (HRMO) nga andam sila nga motambong sa Senado sa higayon nga hisgutan ang kalabot kang Jerry Trocio, usa ka Davao City employee ug gikanayong usa sa mga persons of interest sa pagpatay sa radio broadcaster Jun Pala.
Apan gikanayon ni HRMO head Erwin Alparaque nga wala siyay kasayuran kung ang nahisgutan nga personahe ang nahilakip sa city payroll.
Gitataw sab ni Alparaque nga adunay kaugalingon nga mga kapasidad ang mga empleyado sa lokal nga panggamhanan ug makahimo kini ug mga butang nga wala nay kalabutan sa ilang trabaho.
Kahinumduman nga sa gipahigayon nga Senate Inquiry kagahapon, gibutyag ni Senior Police Officer 3 Arthur Lascañas nga mitabang kaniya si Trocio nga kasamtangang empleyado sa City hall aron nga patyon ang broadcaster Jun Pala bugti sumala pa sa P4 milyon nga gibayad ni kanhi Mayor ug Pangulong Rodrigo Duterte.
Nasayran sab nga si Trocio usa ka kanhi miyembro sa New People’s Army ug part-time security/bodyguard kaniadto ni Pala.
