DAVAO CITY – Gibutyag ni Pearl Deo, High Priority Bus System (HPBS) technical assistant nga anaa na sa halos 1,000 family members sa public utility jeepney (PUJ) drivers ug operators ang naka-avail sa social packages gikan sa target nga 6,000 ngadto na sa 7,000 beneficiaries.
Padayon karon ang panawagan sa nahisgutan ngadto sa mga qualified drivers ug operators nga pahimuslan ang nahisgutan nga programa sa lokal nga kagamhanan.
Gani ang mga drivers ug operators mamahimo sumala pa nga maka-avail sa lima ka mga social compensation packages nga gitanyag isip educational assistance, skills training, ug cash-for-work assistance.
Ginatanyag sumala ang nahisgutan nga programa sa Department of Labor and Employment (DOLE), Department of Trade and Industry (DTI), Technical Education and Skills Development Authority (TESDA), Commission on Higher Education (CHED), ug Department of Health (DOH).
Ilalom sa nahisgutan nga programa ang mga driver, operator ug ang ilang mga designated beneficiaries mamahimon maka-avaol sa one-month cash-for-work program ug bayaran kini ug P11,000.
Kabahin sumala pa kini sa financial assistance nga ihatag sa mga nahisgutan.
Samtang sa bahin sa DTI, nagatanyag kini ug mga livelihood kits ug capacitate individuals aron nga mamahimong mga entrepreneurs.
Nagatanyag sab ang TESDA ug mga nagkadaiyang skills training samtang ang CHED nagatanyag ug upat ka tuig nga kurso nga adunay P15,000 matag tuig alang sa usa ka beneficiary sa driver o operator.
Gawas niini, aduna pay health assistance sa mga beneficiary gikan sa PhilHealth, Lingap, Malasakit Center, samtang ang DOH mohatag sab ug dugang P5,000 ngadto na sa P10,000 isip medical assistance.
Subli sab nga nanawagan karon si Presidential Commission for the Urban Poor (PCUP) supervising commissioner for Mindanao Norman Baloro ngadto sa mga apektadong mamumuo sa transport modernization program nga bisitahon ang ilang buhatan ug isumite ang ilang aplikasyon.
