Gipalig-on sa House Prosecution Panel ang ilang legal team human gipaila ang ikaduhang hugpong sa mga private prosecutors nga motabang sa pagdumala sa impeachment case batok kang Vice President Sara Duterte sa umaabot nga impeachment trial sa Senado. Sumala pa, lakip sa bag-ong gitudlo nga mga private prosecutors sila Atty. Theodore Te, Atty. Reynaldo Robles, Atty. Arnold Labay, ug Atty. Mae Divinagracia, nga adunay halapad nga kasinatian sa constitutional law, criminal ug civil litigation, election law, corporate law, human rights, ug legal education.
Dugang pa niini, makig-uban ang upat ka abogado kang Atty. Benjamin Tolosa ug sa unang grupo sa 10 ka private prosecutors sa pagpresentar sa mga ebidensya batok sa bise presidente atol sa impeachment proceedings. Kahinumduman, giatubang ni Vice President Sara Duterte ang impeachment case may kalabotan sa mga alegasyon sa giingong dili husto nga paggamit sa P612.5 milyon nga confidential funds, giingong dili tukmang deklarasyon sa iyang SALN, unexplained wealth, ug mga pahayag nga giisip nga hulga batok kang Pangulong Ferdinand Marcos Jr., First Lady Liza Araneta-Marcos, ug kanhi House P612.5 milyon.
Sa kasamtangan, nagpadayon ang pagpangandam sa House Prosecution Panel alang sa umaabot nga impeachment trial sa Senado.
