Gipahibalo ni House Majority Leader Ferdinand Alexander “Sandro” A. Marcos nga boluntaryo kining nag-inhibit o milikay sa tibuok proseso sa impeachment nga may kalabutan kang Pang.Ferdinand Marcos Jr. nga iyahang amahan.
Sumala kang Marcos, ang iyahang pag-inhibit naglakip usab sa Committee on Justice, diin limitado alang ang iyang papel isip ex officio member tungod sa iyahang posisyon isip Majority Leader.
Gipasidunggan niini nga ang Committee on Justice magahimo sa iyahang mga katungdanan sa gawasnon ug independente nga paagi, sumala sa gitakda sa Konstitusyon ug sa mga patakaran sa balay balauranan sa mga representante.
Karong Pebrero Dos, 2026, gikatakda nga magpulong ang komite ilawom sa pagpanguna ni Justice Committee Chairman Rep. Gerville Luistro.
Tumong sa maong pulong ang paghiusa (consolidation) sa duha ka mga impeachment complaints nga giduso batok sa pangulo.
