DAVAO CITY – Gi-tap na karon sa City Health Office (CHO) ang mga barangay officials alang sa ilang house-to-house drive aron nga bakunahan ang mga bata batok tipdas.
Matud pa kang Dr. Josephine Villafuerte, CHO chief, gipailalom na nila sa orientation ang 182 barangay captains sa siyudad alang sa measles immunization.
Aron nga mapugngan gilayon ang nagpadayon nga pagkatag ug makontrola ang measles outbreak, padayon ang gipahigayon karon Outbreak Response Immunization (ORI) sa siyudad.
Nasayran kang Villafuerte nga mukabat sa 68,000 ka mga bata na ang nabakunahan sulod lamang sa Enero 26.
Gipasabot sa CHO, nga ang tipdas usa ka contagious viral disease nga dali lamang nga mukatag pinaagi sa droplets sa ilong, baba ug tutunlan sa mga tawo nga infected sa maong sakit.
Ang Measles virus hinungdan sa rashes, ubo, runny nose, iritasyon sa mata ug kalintura.
Mamahimong hinungdan kini sa pneumonia, pagkabuta ug kamatayon.
