DAVAO CITY – Naa na karon sa critical level ang mga hospital beds sa southern Philippines medical center alang sa mga covid positive patients.
Subay sa labing ulahi nga data nga gipagawas sa SPM hangtud kagahapong adlawa, 100% na nga fully occupied ang hospital beds sa ICU sa SPMC alang sa mga pasyente nga grabeng naapektuhan sa covid 19, o fully utilized na o wala nay bakante sa 103 beds niini.
Samtang, 100% na usab nga nagamit ang ward beds sa SPMC hangtud alas 12 karong udto, o hingpit nang na-okupa ug wala nay bakante sa moakabt 517 ka mga ward beds sa nahisgutang balay tambalanan.
Sa kasamtangan, nakatala ang SPMC ug 610 ka mga active covid cases karong adlawa diin 69 niini ang mga bag-ong kaso hinungdan nga moabot na sa 1,1208 ang total number of active cases sa dakbayan sa davaw.
Moabot na usab sa 1,268 ang total number of death human nadugang ang bag-ong 6 ka mga pasyente nga namatay karong panahona.
Hinuon, moabot sa 60 ang natalanang bag-ong recovery sa SPMC nga miresulta sa 9,311 ang kinatibuk-ang ihap sa mga pasyente nga nagmaayo na gikan sa nahisgutang sakit.
