Mipanaw na ang bantugang martial artist ug Hollywood actor nga si Chuck Norris sa edad nga 86.
Gikompirma sa iyahang pamilya ang iyahang pagpanaw samtang didto siya sa Hawaii.
Wala na sila naghatag pa og dugang detalye kabahin sa hinungdan sa iyahang kamatayon ug mihangyo og pribasiya.
Misikat ang aktor niadtong dekada 80 pinaagi sa martial arts ug action movies.
Nailhan siya sa iyahang papel isip Cordell Walker sa Walker, Texas Ranger niadtong 1990.
Sa milabay nga mga tuig, talagsa na ang iyang pagpakita sa mga pelikula, ug ang iyahang ulahi nga salida mao ang The Expendables 2 niadtong 2012.
Usa siya ka black belter sa nagkadaiyang martial arts ug nakadawat og Hollywood Walk of Fame niadtong 1989. Niadtong 2010, gihatagan usab siya og honorary title isip Texas Ranger.
Nailhan usab nga suod siya sa martial arts legend nga si Bruce Lee, diin dungan silang nagbansay niadtong dekada 60 ug nagdungan pa og bida sa pelikulang The Way of the Dragon niadtong 1972.
Nasayran nga mipanaw ang iyang inahan niadtong 2024, samtang ang iyahang unang asawa nga si Dianne Holecheck namatay usab niadtong Disyembre.
Niadtong Marso 10, gisaulog pa sa beteranong aktor ang iyahang ika-86 nga adlaw nga natawhan.
Natawo siya niadtong 1940 sa Oklahoma ug misilbi sa US Air Force gikan 1958 hangtod 1962. Kaduha siyang anaminyo ug adunay lima ka mga anak, lakip si Mike Norris ug ang NASCAR driver nga si Eric Norris.
