Mihimo og talagsaong cameo ang Hollywood A-lister actress nga si Cate Blanchett sa sikay nga Netflix TV series nga Squid Game sa bag-o lang nga gi-release nga season 3 niini sa maong streaming app.
Nagdala si Blanchett sa karakter nga bag-ong recruiter sa maong duwa diin ang season 3 kay nagpadayon sa plot nga naputol pag season 2 sa pakyas nga rebelyon nga gipangulohan ni “Gi-hun” diin gidala kini sa actor nga si Lee Jung-jae.
Ang final scene kay naka-set sa Downtown Los Angeles diin ang Front Man nga si Lee Byung-hun nakadungog sa lagapak sa South Korean street game nga ddakji tiles diin didto na nagpakita si Blanchett.
Mihulagway nga si Blanchett kay usa ka counterpart sa karakter nga gidala ni Gong Yoo isip recruiter sa kulbahinam ug makamatay sa duwa sulod sa usa ka isla nga ang last man standing makadawat sa binilyon nga ganti sa salapi.
Ang direktor mipahayag nga ang pag-cast sa usa ka babaye nga recruiter gituyo tungod kay kini mas “dramatic ug intriguing.”
