Gianunsyo isip Hiyas sa Kadayawan 2025 si Hiyas ng Maranao, Sittie Norhanna Sangcaan kagahapong adlawa. Diin gikoronahan usab isip Hiyas sa Kalambuan 2025 ug Best in Cultural Presentation si Hiyas ng Ata, Jovie Otahi.
Samtang gianunsyo usab isip Hiyas sa Panaghiusa 2025 si Hiyas Bagobo-Tagabawa, Catherine Kate Oda. Nahimong hugyaw ang maong Grand Coronation Night diin nagpasundayag sa ilang mga kultura, kaalam ug talento ang 11 ka mga hiyas candidates gikan sa 11 ka mga indigenous tribes ning dakbayan sa Davao.
Katuyuan sa maong aktibidad mao ang palambuon pa ang kultura dili lamang sa 11 ka mga tribo apan ang kinatibuk-ang komunidad sa mga Dabawenyos. Ang maong grand coronation night gitambungan ni Acting Vice Mayor Rigo Duterte II ug ni Councilor Myrna Dalodo-Ortiz ug lain pang importanteng personahe.
