DAVAO CITY – Pormal na nga gitapus sa mga tumutuong Islam ang usa ka bulan pagpuasa human makita ang bulan kagabii nga nagtimaan sa ilang pagtapus sa puasa o Ramadan.
Gipahigayon dayon ang congregational prayer nga gipahigayon Agro Open Field.
Sa nahisgutan nga pag-ampo gi-deklara sab dayon sa mga tumutuong muslim ang ilang pagtuo.
Sumala kang Emam Moner Mangco ilang gilauman nga tubagon ni Allah ang ilang pag-ampo nga mahimo nga hingpit nga balaod ang gikasugyot nga Bangsamoro Basic Law (BBL).
Nagtuo si Mangko nga subad ang BBL aron nga maundang na ang kasamok sa pipila ka bahin sa Mindanao ug makab-on ang tinunay nga kalinaw.
Sa wala pa nanagtapok sa Agro Open Field ang mga muslim namahaw una kini ug naligo, agi ug paghinlo sa kaugalingon human ang usa ka bulan nga ramadan.
