DAVAO CITY – Gi-andam na karon sa lokal nga kagamhanan ang ihatag nga hinabang alang sa mga nabiktima sa sunog kagahapong adlawa sa Sto. Niño, Barangay 5-A, Bankerohan ning siyudad.
Sa kasamtangan nakapahigayon na ang Davao City Social Services and Development Office (CSWDO) ug validation sa mga pangalan sa nasunogan.
Gikanayong anaa sa kapin 20 ka mga pinuy-anan ang gilamoy sa kalayo nga nagsugod pasado alas alas sais sa buntag ug paspas kini nga mikanit sanglit kadaghanan sa mga pinuy-anan sa lugar ang gama lamang sa mga light materials.
Hinuon gibutyag sa Bureau of Fire Protection (BFP) nga wala silay natala nga casualty human ang insidente.
Nakontrola na ang sunog pasado alas diyes na sa buntag. Wala pay gibutyag ang otoridad kung pila ang kinatibuk-ang kantidad sa sunog.
