DAVAO CITY – Gi-andam na karon sa lokal nga kagamhanan ang ihatag nga hinabang sa mga naapektohan sa nasinatian nga pagbaha sa dakbayan sa milabay nga gabie.
Sumala pa kang City Disaster Risk Reduction and Management Office (CDRRMO) head Alfredo Baluran, mikabat sa halos 3,000 ka mga residente ang naapektohan sa milabay nga pagbaha apan pipila niini ang nakabalik na sa ilang pinuy-anan samtang ang uban ang anaa pa sa evacuation center sanglit kinahanglan pa nila nga limpiyohan ang ilang mga pinuy-anan.
Gikanayong anaa sa 15 ka mga barangay ang apektado diin sagad niini nanimuyo duol lamang sa kasapaan.
Bisan nga daghanang mga residente ang naapektohan, wala matud pay natala ang CDRRMO nga casualty human ang pagbaha.
Gitataw sa opisyal nga dakung tabang ang pagpatingog sa sirena hinungdan nga wala na sila nalisdan pa sa pagpahikling sa mga residente.
Subli niining nga gitambagan ang mga nanimuyo daplin sa kasapaan nga kung mamatikdan ang paspas nga pagsaka sa tubig, mas maayo sumala pa nga muadto na kini sa mas luwas nga lugar.
Kahinumduman nga ang nasinatian nga pag-ulan sa siyudad ang hatud sumala pa sa namatikdan nga Low Pressure Area (LPA).
