DAVAO – Nagapang-apod apod na ang City Social Welfare Delveopment Office (CSWDO) og mga hinabang sama nalang sa mga pagkaon og gamit, samtang nihatag na usab og food packs si 1st District Congressman Paulo ‘Pulong’ Duterte ngadto sa 19 ka pamilya nga nasunogan sa Purok 3, Gempesaw St., Barangay 28-C, Davao nga nahitabo kaniadtong Mayo 10, ning tuig.
Sa usa ka taho, niingon si Dapney Melgazo, CWDO City Poblacion-B Officer nga sa gihimong validation, upat ka balay ang totally damaged, usa ang partially damaged, lima ka house owner ang naapektuhan, walo ka boarders, upat usab ka mga renters ug napulo ka sharers ug 19 ka pamilya ang apektado sa insidente.
Matud pa Melgazo, kagahapon Mayo 12, 2023, gipang apod-apod ang mga grocery items ug mga gamit pangkusina. Ning kasamtangan, temporaryong gihiklin sa evacuation area sa Jose Rizal Elementary School.
