DAVAO CITY – Gi-andam na sa lokal nga panggamhanan ang hinabang alang sa mga nabiktima sa sunog pasado alas kuwatro kagahapon sa hapon sa Purok 32 Holy Trinity Sparrowe Kabacan Brgy. 76-A ning dakbayan diin anaa sa lima ngadto na sa 10 ka mga balay ang nanga-ugdaw.
Kadaghanan sa mga residente ang walay nasalbar nga mga butang sanglit kadaghanan sa mga panimalay ang gama lamang sa mga light materials.
Gani, dili lamang kini ang unang higayon nga nasunog ang maong dapit gumikan kay una na sab nga miulbo ang sunog sa maong lugar sa milabay nga tuig.
Sumala sa usa ka residente nga si Rufina Doña kaubanan sa gipuy-an ni alyas Inday diin nagsugod ang kalayo, anaa sumala pa siya sa banyo ug dihang sa iyang paggawas nakita na niini nga miulbo ang sunog sa may pultahan nga bahin hinungdan nga iya kining gisulayan pagbubo og tubig apan paspas nga mikatag ang kalayo hinungdan nga wala na siyang nasalbar nga mga butang.
Pahayag ni Rufina Doña usa sa mga nasunogan nga residente sa lugar.
Padayon pa sab nga gisubay karon sa kabomberohan kung unsa ang hinungdan sa sunog ug kinatibuk-ang damyos niini.
