DAVAO CITY – Gikabutyag sa opsiyal sa City Agriculturist’s Office nga si Edgardo Haspe ang kalisdanan sa mga abaca farmers sa Davao City nga nakasinati og pagkahuyang sa ilang panginabuhian.
Atol sa pakigpulong sa buhatan ngadto sa mga mag-uuma sa mga barangay sa Tapak, Mapula, Salapawan, ug Sibulan ning dakbayan, gikanayon nga nagpakitabang na sila ngadto kang Mayor Sebastian Duterte ug sa ubang ahensya sa gobyerno.
Dugang pa ni Haspe, kasamtangang nagbuhat og Daratex nga abaca ang mga mag-uuma nga daw usa ka synthetic nga klase nga ginapalit pa sa ilang mga buyer sukad kaniadto.
Apan, gipahunong matud pa ang pag-baligya niini gumikan sa dili maayong kalidad sa abaca.
Gawas pa niana, mas dali patubuon ang Daratex nga variety kon itandi sa ubang klase sama sa Abuab, Inosa, ug Tangongon.
Kahinumdumang gipamutol na lamang sa mga mag-uuma ang ilang mga punoan gumikan sa advisory nga gipagawas kanila, apan malaumon ang opisyal sa pagpalihok sa ordinansa sa usa ka kongresista nga magmugna og Abaca Seed Program ug Tissue Culture Laboratory nga nagtumong sa pagprodyus og maayong maayong kalidad sa abaca.
Gikanayon ni Haspe nga ilang ipahilakip ang mga mag-uuma sa Cash for Work Program sa DSWD samtang maghulat sa implementasyon sa maong ordinansa.
via || Bombo LJF
