Swerte nga naluwas sa kakuyaw ang kinabuhi sa mga sakay sa Toyota Hilux human kini nadisgrasya ug napadulong sa kanal dapin sa karsada.
Subay sa report sa kapulisan, pasado alas 12:00 kagahapong adlawa nahitabo ang paghaybol sa nasampit nga sakyanan sa Brgy. Puntalinao, Banay-Banay Davao Oriental.
Naila ang drayber nga si Ernesto Galon Garay hamtong ang panuigon samtang kauban niini ang iyahang pamilya nga residente sa Purok Echavia, Barangay Matiao, Mati City, Davao Oriental.
Nasayran nga ang mga nahisgutan padulong kini sa dakbayan sa Davao.
Hinuon dali sab kining girespondehan sa MDRRMO ug kapulisan ug nahaw-as usab ang nahulog niini nga sakyanan.
Tungod sa maong panghitabo, nag-awhag karon ang otoridad nga mag-amping sa pagmaneho sa sakyanan sama sa paglikay sa pagmaneho nga nakainom, ingon man ang kulang sa tulog ug labaw sa tanan ang pagkontrol sa pagpadagan
