DAVAO CITY – Aron nga ma-protektahan ug ma-preserba ang kaabunda sa marine biodiversity daplin sa mga baybayon, nagkahiusa karon ang Hijo Resources Corporation (HRC) ingon man local government unit (LGU) sa Tagum City, pinaagi sa ilang City Environment and Natural Resources Office (Cenro) sa pagdeklara sa Hijo Estate coastline isip Marine Protected Area (MPA).
Gikanayong ang Hijo Estate coastline, nahimutang sa Barangay Madaum, Tagum City nga kabahin sab sa Davao Gulf.
Tumong sa maong kasabutan nga malagdaan ang kasabutan ug mahimo ang responsibilidad nga aktibong ma-protektahan ug makonserba ang marine life nga nanimuyo sa Hijo coastline.
Kaabag sab sa nahisgutan nga mga buhatan ang Department of Science and Technology (DOST).
Nasayran nga ang Hijo Estate coastline ug Davao Gulf maoy pinuy-anan sa napulo gikan sa 27 Philippine whale species.
Mahinungdanon sab sumala pa kini nga pinuy-anan sa mga whale sharks ug dugong ingon man mga pawikan nga gilangkuban sa rare leatherback turtle ug daghanan pa.
Gikonsidera sab sumala pa ang maoy baybayon isip Marine Biodiversity Hotspot.
Ang bag-ohay pa lamang nga kasabutan alayon sa ilang tumong nga “to nurture nature today to benefit the generations of tomorrow.” diin kung padayon kini nga ma-protektahan karong panahona, mohatud kini ug kaayohan sa komunidad sa lugar sa umaabot nga panahon.
