Highbred rice gipangpugas na sa Davao del Sur

DAVAO CITY  –  Gipugas na sa mga mag-uuma sa Davao del Sur ang hybrid seeds gikan sa Department of Agriculture. 

Ang mga hybrid rice mugna sa Philippine Rice Research Institute ug sa International Rice Research Institute. 

Gianakayon ni Regional Rice Focal Person Alejandro Yadao sa Magsaysay ug sa Bansalan hapit na mahuman ang pagtanum ug hybrid rice. 

Samtang sa lungsod sa Hagonoy nalangan ang pagtanum gumikan sa suliran sa patubig sa munisipyo. 

De kalidad ang hybrid rice nga dili basta-basta nga madaut sa mga dangan ug makahatag sab kini ug taas nga produksyon. 

Dunay gipahimutang nga model farm aron nga ipakita ngadto sa uban nga mga mag-uuma ang benepesyo sa bag-ong teknolohiya sa modern nga rice farming.