Napasakahan na og kasong estafa ang usa ka 49 anyos nga babaye kini human nga nanglimbong og daghanang indibidwal.
Sa gikasang operasyon sa National Bureau of Investigation (NBI-Xl) niadtong milabay nga November 22 ning tuiga ngadto sa Lanang ning siyudad, nasayran nga ang modus ni alyas Beth, residente sa naasoy nga dapit ang pagtanyag og tabang sa mga buot mubalik og trabaho ingon man ang pagtabang sa pagsulbad sa dunay problema sa yuta ug uban pang kaso.
Gani, dako ang pagtuo ni Atty. Ely Leaño, ang tigpamaba sa NBI-XI nga daghan matud pa ang nabiktima sa maong suspetsado subay sab sa nahimong monitoring sa maong buhatan.
Ang mga mireklamo giilang sila alyas Dulla, usa ka empleyado sa gobyerno ug lain pang 3 ka mga indibidwal ang mireklamo batok sa maong suspetsado.
