DAVAO CITY – Paningkamutan sa lokal nga kagamhanan nga maangkon gilayon sa hinanali nga panahon ang herd immunity pinaagi sa pagbakuna sa 70 porsyento sa kinatibuk-ang populasyon sa dakbayan.
Subling gibutyag sa Davao City Vaccination Cluster nga mas daghanang bakuna ang gikatakda nga moabot sa dakbayan.
Sa milabay nga Hunyo 21, anaa na matud pa sa 184,123 ang nabakuna nga anti- COVID vaccines sukad nga gisugdan ang inoculation program sa milabay nga bulan sa Marso.
Kahinumduman nga anaa sa 149,095 vaccines ang nahatag alang sa first dose ug 35,028 alang sa second dose.
Pipila sa mga bakuna nga gigamit karon sa dakbayan ang gilangkuban sa Sinovac, AstraZeneca, ug Pfizer samtang gisugdan na sa ang pagtuplok sa first dose sa Sputnik vaccines nga iya sa Gamaleya.
Samtang padayon karon nga nanawagan ang lokal nga kagamhanan ingon man mga health officials ngadto sa mga indibidwal nga magpa-rehistro ug magpabakuna.
