DAVAO CITY – Nagpadayon pa karon ang gilusad nga manhunt operation sa Davao city Police office batok sa tulo ka mga piniriso nga mi-puga gikan sa prisuhan sa Sasa Police station.
Samtang, gipasalig usab sa bag-ong hepe sa Sasa Police station nga si Police Major Jose Rodrigo Mendoza nga dili masubli ang susamang panghitabo ilalom sa iyang kadumalahan.
Gipahigayon nang turn over of command niadtong adlaw nga LUnes kang Mendoza nga nagsilbi usab nga kanhi station commander sa Marilog Police station.
Kahinumduman nga gipang-releive gilayon ang pipila ka mga police personnel sa Sasa Police station lakip na ang hepe sa nahisgutang buuhatan nga si Police Major Alberto Abella gumikan sa pag-ikyas sa nahisgutang mga piniriso.
Subay sa imbestigayson, gigabas sa tulo ka mga piniriso ang rehas nga bakal sa likod nga bahin sa selda sa Sasa Police station.
Gikabutyag nga si Major Mendoza ang ma-assign sa admin sa Davao city Police office, samtang gina-imbestigahan ang pag-ikyas sa tulo ka mga piniriso sa Sasa PNP niadtong kaadlawon sa June 16, 2022.
Gikanayon ni DCPO spokesperson Police Major Ma Teresita Gaspan, nga subay sa one strike policy sa PNP, kinahanglan nga mag-atubang ug command responsibility ang station commander kung adunay nakita nga neglect of duty o kaha iregulairdad sa iyang buhatan.
