DAVAO CITY – Balhug na sa bilanggo-an sa Sulop Police Station ang usa ka heavy equipment operator human nga gidakop kagahapon sa lalawigan sa Davao del Sur.
Naila ang dinakpan nga usa ka Fortunato Ybanez Nonay, 23 anyos, menyo, usa ka heavy equipment operator, residente sa Purok 7, Barangay Talas, Sulop, Davao del Sur.
Nasayran nga ang kapolisan sa Sulop nga gipangunahan ni Police Chief Inspector Cesar Aaron Robles midakop sa nahisgutan nga suspek, nga giila nga Number 3 most wanted person sa municipal level sa lungsod sa Sulop sa Davao del Sur.
Nasayran nga ang nahisgutan nga suspek nag-atubang ug kasong pagpanglugos ug ang warrant of arrest gi-issue ni Judge Carmelita Sarno Daven sa Regional Trial Court Branch 18 sa dakbayan sa Digos.
Wala’y gi-rekomenda nga pyansa alang sa iyang temporaryo nga kagawasan hinongdan nga pabilin pa gihapon karon nga nabilanggo ang dinakpan nga mao si Fortunato Ybañez Nonay.
