DAVAO CITY – Papaulion na sa Department of Health Region XI ang lima ka nurse nga gideploy sa NCR aron makatabang sa mga healthworkers kaniadtong padayon ang pagtaas ang ihap sa kaso sa covid sa maong rehiyon.
Sumala kang DOH 11 director Doctor Anabelle Yumang nga kasamtangang gipaabot karon sa lima ka mga healthworkers ang second dose sa ilang bakuna aron hingpit na nga makabalik dinhi sa dakbayan sa davao.
Sumala sa opisyal nga mopailawom sa 14 day quarantine ang maong mga nurses ayha nga makabalik sa ilang mga assignments dinhi sa siyudad.
Kaniadtong Abril 14 ang unang adlaw sa ilang deployment sa NCR partikular na sa san lazaro hospital aron nga makatabang kini sa pakigbisog sa covid-19 kaniadtong panahon nga daghanan ang nangatakdan sa kagaw sa nahisgutan nga dapit.
Tipik lamang ang pagpauli sa mga nahisgutan human nga padayon sab ang pagsaka karon sa kaso sa covid-19 sa dakbayan.
