Haya ni Alparaque giduaw ni Pangulong Rodrigo Duterte

DAVAO CITY   –  Gipahiluna na ang patay nga lawas ni anhing Davao City Treasurer’s Office (CTO) Head Erwin Alparaque sa Cosmopolitan Memorial Chapel sa dalang Camus ning dakbayan sa Davao  human kini mitaliwan sa kalibotan niadtong Sabado.

Sumala sa kamagulangan nga anak niini nga usa ka Earvin Alparaque nga ‘ruptured aneurysm’ ang hinongdan sa kamatayon sa ilang amahan. 

Kapin traynta ka tuig na sab nga nangtungdanan isip opesyal sa kagamhanang dakbayan sa Davao si Alparaque nga nga kanhi sab nga nakapangatungdanan isip Human Resource Management Office (HRMO) head sa wala pa nahimong Davao City Treasurer’s Office Head. 

Miduaw si Pangulong Rodrigo Duterte sa haya ni Alparaque ug mipadangat ug pahasubo sa pamilya.