Gigamyan lamang si kanhi presidential spokesperson Harry Roque sa plano sa Department of Justice (DOJ) sa pagpangayo ug tabang sa International Criminal Police Organization (Interpol) aron hingpit na kining maaresto.
Kung kahinumduman, gibutyag ni DOJ Undersecretary Nicholas Ty ang plano sa ahensya nga pangayuon sa Interpol ang pagpagawas niini ug red notice batok kang Roque , aron hingpit na kining maaresto ug paatubangon sa mga kaso niini sa Pilipinas.
Apan bisan paman niini, gipagawas sa kanhi presidential spokesman, walay mahimo ang mga nahisgutan.
Gipahayag pa niini, kung adunay natanggong nga petisyon sa usa ka asylum, ang usa ka indibiduwal ang dili kini mahimong arestuhon bisan paman nga adunay ipagawas ang Interpol ug red notice batok sa iyaha.
Kahinumduman, unang pagpagawas ni Roque sa Netherlands niadtong bulan sa Marso, mipasaka kini sa iyahang asylum petition ug gihimong hinungdan ang matod pa political persecution sa administrasyong Marcos sa iyaha isip hugot nga kaalyado ni kanhi Pangulong Rodrigo Duterte.
Dili usab dugay, nagpagawas ug warrant of arrest ang usa ka local court sa nasud batok kang Roque, gumikan kuno sa pagkalambigit niini sa human trafficking activities sa usa ka Philippine Offshore Gaming Operator hub sa Central Luzon.
