Nagtabla sila US VP Kamala Harris ug kanhi US Pres. Donald Trump sa resulta sa maong piniliay sa usa ka gamayng dapit sa Dixville, Notch sa estado sa New Hampshire alang sa 2024 US Presidential Elections.
Kini ang pinakaunang lugar sa maong nasud nga nakatala sa ilahang presidential preference.
Milungtad lamang og 12 ka minutos ang pag-ihap gumikan unom lamang ang botante. Nagsugod ang maong piniliay sa tungang-gabii ug nahuman kini alas 12:07 sa kadlawon.
Parehong nakakuha sila Harries ug Trump og matag-3 ko boto.
Subay sa balaod sa estado sa New Hampshire nga ginasugtan sumala pa ang mga dapit o komunidad susama sa Dixville Notch aron nga ablihan ang eleksiyon sa midnight ug sirad-an sab gilayon kini. Ang Dixville Notch maoy usa ka unincorporated community s Dixville sa Coos Countty nga makaplagan sa amihanang bahin sa estado, diin anaa sa 20 miles sa timog nga bahin sa Canadian border.
Sa nakalabay na nga duha ka mga Presidential Elections, gisuportahan sa mga botante sa Dixville Notch ang Democratic nominee.
