DAVAO CITY – Gimugna na karun ang City Governance Transition Team (CGTT) arun masiguro ang hapsay nga paghulip sa responsibilidad alang sa mga musunod nga administrasyon human ang bag-ohay pa lamang natapos nga 2022 National and Local elections.
Una ng gilagdaan ni Incumbent Davao City Mayor Inday Sara Duterte ang Executive Order (EO) No. 17, o “An Order Creating And Constituting The City Governance Transition Team, Defining Its Duties and Responsibilities, And For Other Purposes”.
Gikanayong ang CGTT mosiguro sa safekeeping sa Local Government Unit (LGU) records ug documents ingon man proteksiyon sa LGU assets atol sa election period aron nga marantiya ang transition sa bag-o ug mga re-elected local officials.
Gikanayong ang CGTT langkuban sa city mayor ug ang iyang duly authorized representative isip chairperson. Ang co-chairperson ang pili-on sa iyang mga miyembro pinaagi sa simple nga majority vote.
Tanan nga mga department heads, DILG city director o city local government operations officer, Sangguniang Panlungsod sa Davao secretary; ug Public Administration Development Committee representatives ang mamahimong kabahin sa CGTT isip mga miyembro.
Gimandoan sab ang mga CGTT members nga mupili sa ilang alternate ug permanent representatives, nga muhulip sa ilang sa katungdanan ilabi na kung wala sila sa ilang trabaho.
Laraw sab sa transition team mao ang pagkuha, pag-secure ug pag-preserba sa tanan nga mga official documents o mga records sa official transactions sa City Government of Davao; turnover sa accountabilities gamit ang prescribed forms sa higayon nga aduna nay bag-ong mga napili nga local officials ingon man update list sa accountabilities; kung adunay mga re-elected officials; ug mo-organisa sa turnover ceremony sa nagsingabot nga local officials, kalakip na ang briefing sa Governance Assessment Report ug key challenges, nga ipahigayon sa Hunyo 30, 2022.
Ang City Administrator’s Office ang gimandoan sab nga mamahimong Secretariat arun nga mohupot sa tanan nga mga CGTT administrative ug secretarial functions.
