DAVAO CITY – Sa kinabituk-an nahimong hapsay ang pagsugod sa klase sa kasamtangan nga tuig tingtungha sa mga pampublikong tulongha-an alang sa school year 2017-2018.
Sumala pa kang Department of Education (Dep Ed) Eleven Spokesman Jenelito ‘Dodong’ Atillo nga gi-markahan ug absent ang mga tinun-an nga wala makatungha niining adlawa. Sa paglibot sa mga opesyal sa Dep Ed Eleven nahimong hapsay ang pag-abli sa klase.
Una nang gitataw ni Atillo nga dili ma-apektohan sa Martial Law ang mga klase ug dunay katungod ang mga eskwelahan nga mobalibad sa mga ulahi na nga mga enrollees kung puno na ang mga classrooms ug wala’y balido nga rason ngano nga naulahi kini sa pagpa-enroll.
Dili pa masuta sa Dep Ed kung unsa ka daghan ang wala makapa-enroll niining kasamtangan nga tuig tingtungha.
