Haplas vendor, sikop; produktong gibaligya dili aprubado sa FDA

DAVAC CITY – Daw namahid na lang sa agtang ug alimpoo ang usa ka babaeng naaktuhan nga namaligya og gatusan ka binultong haplas nga dili rehistrado sa Food and Drug Administration.

Giila sa mga otoridad ang tigbaligyang si Marilou Bahandi Espina, taga-Bolton Extension, Brgy. 1-A, Davao City.

Sigon sa report, nagpahigayon og operasyon ang mga sakop sa San Pedro Police uban ang CIDG XI niadtong Abril 28 sa hapon.

Nakumpiska ang 100 nga packs sa botelya sa Alabaster Miracle Oil sa managlahing variants lakip ang P35,000 nga marked money.

Nasayran nga walay License to Operate ang maong dinakpan.

Napasakahan na og kasong paglapas sa Republic Act 9711 kon Food and Drug Administration Act ang maong haplas vendor.

via || Bombo LJF