DAVAO CITY – Subling nagpahimangno karon ang PAGASA- Davao Region ngadto sa tanang Dabawenyos ug mga Mindanaons nga magpabiling mabinantayon gumikan sa posibleng epekto sa Habagat kun Southwest Monsoon.
Sa pinaka-ulahing monitoring sa PAGASA, adunay posibilidad nga magdala og katag-katag na pag-ulan ang Habagat sa pipila ka mga bahin sa Mindanao partikular na dinhi sa dakbayan nga posibleng muresulta usab sa pagbaha ug landslides.
Gani, mulungtad ang maong epekto sa Habagat kon Southwest Monsoon og duha ngadto sa tulo ka mga adlaw.
Busa hugot ang mga lakang nga ginahimo sa mga nagkadaiyang lokal nga panggamhanan lakip na usab sa mga nagkadaiyang Disaster Risk Reduction and Management Office sa mga probinsiya dinhi sa rehiyon.
Hinuon, pagpaklaro usab sa maong buhatan nga walay laumang bagyo nga musulod sa musunod nga mga adlaw.
