Nakabalik na sa ilahang nagkadaiyang puluy-anan ang musobra sa tunga sa milyon ka mga tawo nga gikan sa Gaza Strip nga nahimong sentro kini sa giyera tali sa Israel ug Hamas, kana subay sa taho gikan sa United Nations.
Gikanayon ni Office for the Coordination of Humanitarian Affairs (OCHA), spokesman Stephane Dujarric nga nagalihok na sab sumala pa ang na-displace na mga Palestino gikan sa norte nga bahin padulong sa habagatang bahin sa Gaza, apan pipila lamang ang ihap niini.
Subay sa datos niadtong Enero 31, anaa sa 8,500 na ka mga tawo ang mitabok gikan sa northern areas sa Gaza, padulong sa habagatang bahin sa nasampit nga dapit.
Gipakusgan sab sa UN ug humanitarian partners ang ilahang paghatag og pagtagad sa mga monitoring points, lakip na ang first aid ug psychological support, alang sa most vulnerable susama sa mga bata, kababayen-an ug mga tigulang.
Gawas pa niini, gipalapdan sab sa UN ang aid operations niini sa Northern Gaza.
Kahinumduman nga nahimong epektibo ang ceasefire tali sa Israel ug Hamas niadtong Enero 19 nga maoy naghatag og pamaagi aron mabalik ang mga na-displace nga Palestino sa Northern Gaza.
Nagpahunong usab ang ceasefire deal sa musobra usa ka tuig nga gubat nga mikutlo ug nagpa-displace sa liboan ka mga tawo.
