DAVAO CITY – Halos 300 ka mga tulonghaan sa Davao Region ang nag-abli pagbalik sukad Marso 14, 2022 dungan kini sa pag-abli sa face-to-face (F2F) classes.
Sumala pa kang Department of Education (DepEd)-Davao spokesperson Jenielito Atillo, gilangkuban kini sa 180 schools sa dakbayan sa Davao, 21 ka mga tulonghaan sa Tagum City, 11 sa Island Garden City of Samal ug tulo sa Panabo City.
Anaa sab sa 18 ka mga tulonghaan sa Davao de Oro, 35 sa Davao Oriental kalakip niini ang usa Mati City, ug 24 sa Davao del Sur.
Mayorya sa mga tulonghaan nga nangabli ang mga public schools kalakip na ang very minimal private schools.
Gina-accommodate na sab karon ang kindergarten hangtud na senior high school levels depende sa kapasidad sa tulonghaan.
Dungan sumala pa sa pag-abli sa 293 schools, gitataw ni Atillo nga anaa sa 82,683 learners region-wide ang nakabalik na sa ilang tulonghaan.
Arun masiguro ang health security sa estudyante, kinahanglan nga usa ka metros nga social distancing ang hugtan on nga ipatuman sulod sa tanan nga classrooms.
Anaa lamang sumala pa sa 12 ka mga estudyante sa kindergarten levels ug 16 students sugod Grade 1 hanggang junior high school levels ang tugtan sa lawak apan adunay posibleng pagsaka depende sa size sa classroom basta kay mapabilin lamang ang distansiya.
Gitataw sab sa spokesperson nga daghanan pa nga mga tulonghaan ang mangabli sa nagsingabot nga mga semana.
Gani anaa matud pa sa 72 dugang nga mga schools ang subli nga mangabli sa Marso 21, 2022.
