-- ADVERTISEMENT --
DAVAO CITY – Laraw karon sa Department of Interior and Local Government (DILG) ang pagtukod ug half way houses diin idetene ang mga menor de edad nga nakalapas sa curfew hours.
Sumala pa kang DILG Undersecretary for Barangay Affairs Martin Deño oblegasyon sa Barangay ang pagpahimutang ug shelter alang sa mga minors nga madakpan sa tambay operations.
Dugang sab ni Deño nga ang mga Barangay Officials mao ang angayan nga manguna sa pagpatuman sa anti-tambay operations gumikan kay ang mga police back-up lamang sa mga tanod.
Giklaro sab sa DILG nga kinahanglan nga mahatgan ug pagka-on ug counseling sa mga menor de edad nga madetene sa halfway houses, Lakip sa ipailalum sa counseling ang mga ginikanan sa bata.
